С.Жапаров: Энергетика карызы 5 жылда 137 млрд сомдон 25 млрд сомго азайды
Президент Садыр Жапаров “Кабар” маалымат агенттигине өлкөдөгү электр энергиясынын тартыштыгы боюнча сүйлөп, акыркы беш жылда кырдаал кыйла жакшырганын белгиледи.
Анын айтымында, 2021-жылдын башында энергетика тармагынын карызы 137 млрд сомду түзгөн.
“Энергетика тармагындагы жасалган реформанын, коррупцияны жана уурулукту жок кылганыбыздын натыйжасында азыр болгону 25 млрд сом карызы калды. Муну дагы кийинки жылдын аягына чейин толук кутулуп, киреше алганга чыгабыз деп турушат. Болгону 5 жылда ушундай жыйынтыкка жетиштик. Эки жарым жылдан кийин башка өлкөлөрдөн электр энергиясын импорт кылбай, өз керектөөлөрүбүздү өз күчүбүз менен жаап баштайбыз”,-дейт ал.
