Энергетика министрлиги: Ысык-Көлдө 36 миңден ашык акылдуу эсептегич орнотулду
Ысык-Көл облусунда электр тармагын санариптештирүү активдүү жүрүүдө. Жыл башынан бери аймактагы 36 272 акылдуу эсептегич орнотулду, жана 2025-жылдын соңуна чейин 55 923 даана орнотуу пландалууда. Бул тууралуу Энергетика министрлигинен билдиришти.
Иш чара электр энергиясын бөлүштүрүү жана эсептөөнүн натыйжалуулугун жогорулатуу максатында жүргүзүлүп, Энергетика министрлиги тарабынан көзөмөлдөнүп турат.
Акылдуу эсептегичтер:
- Көрсөткүчтөрдү реалдуу убакытта жөнөтөт;
- Электр жабдууларын ашыкча жүктөөдөн коргойт;
- Сырттан кийлигишүүнү аныктайт;
- Дебитордук карыз болгондо автоматтык өчүрүлүп, төлөмдөн кийин кайра кошулат;
- Коррупциялык тобокелдиктерди азайтат.
Бул санариптештирүү электр энергиясын ачык, так жана коопсуз пайдаланууга, ошондой эле керектөөчүлөр үчүн кызмат сапатын жакшыртууга өбөлгө түзөт.
Суроолор үчүн: 105; 1209
+996 772 001209; +996 556 001209
WhatsApp: +996 702 001209
