Энергетика

Чүй облусунда быйыл 94 миңге жакын "акылдуу" эсептегич орнотулат

Уулжан Бейшенбекова

28 авг. 2026 14:30

Чүй облусунда электр жарыгын эсепке алуунун автоматташтырылган тутумун (ЭКЭАС) киргизүү боюнча иштер уланууда. Бул тууралуу "Кыргызстан улуттук электр тармагы" ААК билдирди.

Маалыматка ылайык, долбоор санариптештирүү саясатынын алкагында жана Дүйнөлүк банктын колдоосу менен ишке ашырылууда.

2025-жылы Чүй облусунда 102 миң 652 даана "акылдуу" эсептегич орнотулган. Ал эми 2026-жылы дагы 94 миңге жакын заманбап эсептегичти орнотуу каралган.

Учурда Чүй электр тармактар ишканасына 57 миң 316 даана бир фазалуу эсепке алуу каражаты жеткирилип, алар райондорго бөлүштүрүлгөн.

Учурда облус боюнча 8 миң 658 даана ЭКЭАС эсептегичи орнотулду.

"Кыргызстан улуттук электр тармагы" белгилегендей, "акылдуу" эсептегичтерди орнотуу электр жарыгын керектөөнү так эсепке алууга, тейлөөнүн сапатын жакшыртууга жана электр менен камсыздоонун ишенимдүүлүгүн жогорулатууга шарт түзөт.

Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди – Ишкер MEDIA сайтынын Telegram, Facebook, Instagram, Threads, Х жана YouTube каналдарынан окуп, көрүп туруңуздар. Ишкер MEDIA менен Сиз ийгиликке жетишесиз!