Чүй облусунун өнүктүрүү фонду 2024-жылга долбоорлорду кабыл алууну жарыялайт – кыскача нускама

Чүй облусунун өнүктүрүү фонду 2024-жылга долбоорлорду кабыл алууну жарыялайт. Бул тууралуу облустун администрациясы билдирди.

Чүй облусунундагы ишканалардын жетекчилери, жергиликтүү өз алдынча башкаруу органдарынын башчылары жана райондун бардык ишкер жарандары 2024-жылга социалдык жана инфраструктуралык долбоорлорун каржылоого долбоордук өтүнмөлөрдү (заявкаларды) тапшырса болот.

Долбоордук өтүнмөлөрдү кабыл алуу 2023-жылдын 30- ноярына чейин жүргүзүлөт. Өтүнмөлөр министрлер кабинетинин 2023-жылдын 6-январындагы №220 «Региондорду өнүктүрүү фонддору жөнүндө типтүү жобону бекитүү тууралуу» токтомунун 2-тиркемесине ылайык толтурулушу керек.

Өтүнмөгө айыл аймактын социалдык-экономикалык өнүктүрүү программасында артыкчылык берилген маселелер кирип, анын техникалык документтери, курулуш жана башка ченемдери жана эрежелери (уруксат берүүчү документтер, техникалык адистешүүлөр, долбоордук- сметалык документтер) толук болушу зарыл.

Өтүнмөлөрдү кабыл алуу (электрондук жана кагаз турундө) төмөнкү дарек боюнча кабыл алынат: Бишкек шаары,Т.Айтматов көчөсү №92, e-mail: frcho@bk.ru, байланыш телефондору: 0312 48-35-34;