Индия Ош облусунунда боор жана бөйрөктү трансплантациялоо борборун ачууга жардам берет

Сапар Акунбеков

02 окт 2023 15:16

Ош облусунунда Кара-Суу районунун Төлөйкөн айылында боор жана бөйрөктү трансплантациялоо борбору ачылат. Бул тууралуу президенттин Ош облусундагы өкүлчүлүгү билдирди.

Такталгандай, министрлер кабинетинин төрагасынын орун басары Эдил Байсалов, преизденттин Ош областындагы ыйгарым укуктуу өкүлү Эльчибек Джантаев, Кара-Суу районунун мамлекеттик администрациясынын башчысы – аким Жакыпбек Субакожоев “Азия” кайра калыбына келтирүүчү борборунун жетекчилиги, Индия өлкөсүнөн келген “Меданта” клиникасынын дарыгерлери жана атайын өкүлү Мухамед Акбер Вани жана Ашок Кумар Ваит башчылыгында турган делегациянын мүчөлөрү менен жолугушту.

Жолугушууда Ош облусунун жана бүткүл КРнын медициналык инфраструктурасын өнүктүрүүдө маанилүү учур болуп кала турган Төлөйкөн айылында боор жана бөйрөк алмаштыруу борборун ачуу жолдору талкууланды. Борбор боор жана бөйрөк ооруларын алдын алуу, профилактикалоо жана трансплантациялоого сапаттуу медициналык кызматты жеткиликтүү баада көрсөтүүгө адистешет.

Бул ачылыш ошондой эле башка чет өлкөлөрдөн келген бейтаптарды кабыл алууга мүмкүнчүлүк түзүп, жергиликтүү медицина кызматкерлерине тажрыйба жана атайын билимдер менен алмашууга шарт түзөт. Бул элибиздин ден соолугун чыңдап, учурдун эн көйгөйлүү оорулардын алдын алуу күтүлүүдө.

Делегация менен жолугушуудан тышкары Кара-Суу райондук мамлекеттик администрациясынын залында Ош облусунан келген 400дөн ашык дарыгерлердин катышуусунда илимий-практикалык конференция өттү. Илимий-практикалык конференция көрүнүктүү медицина адистеринин – онкология тармагындагы эксперт Ашок Кумар Ваиттын жана Меданта клиникасынын тажрыйбалуу хирургу Мухамед Акбер Ванинин баяндамалары менен коштолду.

Конференция кызыктуу баяндамаларга жана талкууларга бай болуп, 15 бейтапка эксперт дарыгерлер тарабынан бекер консультациялар берилди. Бул иш-чара Кыргызстандын медицина тармагын өнүктүрүүдө жана Кыргызстан менен Индиянын ортосундагы медициналык кызматташтыкты бекемдөөдө маанилүү кадам болуп саналат.

Мындан тышкары окуңуз

Ошто коомдук коопсуздук боюнча көп функционалдуу борбор ачылды

Бүгүн, Ош шаарында коомдук коопсуздукту жана өзгөчө кырдаалдарга даярдыкты күчөтүүгө багытталган көп функционалдуу борбор ачылды. Бул тууралуу ӨКМнин басма сөз кызматынан кабарлашты. Билдирүүгө караганда, борбордо өзгөчө кырдаалдар үчүн зарыл материалдык запастар сакталат. Ошондой эле кризистик кырдаалда координациялык иштерди жүргүзүүгө жана зарыл болсо жарандар үчүн убактылуу баш калкалоочу жай катары пайдаланууга

Эки өлкөнүн мамлекет башчылары жолугушту

Авазада бүгүн, Президент Садыр Жапаров Түркмөнстандын Президенти Сердар Бердымухамедов менен жолугушту. Эки өлкөнүн мамлекет башчылары эки тараптуу кызматташтыктын актуалдуу маселелерин жана кыргыз-түркмөн мамилелерин мындан ары өнүктүрүүнүн келечегин талкуулашты. Президенттин басма сөз кызматынын маалыматына караганда, жолугушууда тараптар соода-экономикалык жана энергетика тармактарындагы кызматташтыкты кеңейтүүгө, ошондой эле транспорттук-логистикалык байланыштарды өнүктүрүүгө

Жүрөктүн кагышын көзөмөлдөп, өзү ойгото турган "акылдуу" керебет

Уйкуну көзөмөлдөп, температураны өзү жөнгө салып, жүрөктүн кагышын жана дем алуу ыргагын өлчөп, адамды ойготкон «акылдуу» керебеттер пайда болду. Мындай технологиялардын бири — америкалык Eight Sleep компаниясынын Pod системасы. Ал кадимки матраска орнотулуп, уктап жаткан адамдын көрсөткүчтөрүн атайын сенсорлор аркылуу көзөмөлдөйт. Системанын негизги өзгөчөлүктөрүнүн бири — керебеттин эки тарабындагы температураны өзүнчө жөнгө

Евробиримдик Россиянын “гибриддик ишмердүүлүгүнө” байланыштуу чектөөлөрдү узартты

Евробиримдиктин Кеңеши Россиянын чет өлкөлөрдөгү туруксуздаштыруучу аракеттерине жооп катары киргизилген айрым чектөө чараларынын мөөнөтүн 2027-жылдын 9-октябрына чейин узартты. Евробиримдиктин маалыматына ылайык, чаралар Россиянын “гибриддик ишмердүүлүгүнө”, анын ичинде чет өлкөлүк маалымат мейкиндигин манипуляциялоо жана кийлигишүүгө (FIMI) байланыштуу киргизилген. Учурда бул санкциялык режимдин алкагында 80 жеке адамга жана 20 уюмга