Экономика жана коммерция министри Данияр Амангелдиев кореялык инвесторлор менен катуу тиричилик калдыктарын (КТК) кайра иштетүүчү заводдун курулушу боюнча жыйын өткөрдү. Бул тууралуу мекеме билдирди.
Такталгандай, долбоордун максаты – Ош шаарында катуу тиричилик калдыктарын башкаруунун системалуу механизмин түзүү:
• таштандыларды жыйноодон, ташуудан баштап жана аларды утилдештирүү менен аяктаганга чейин башкаруу системасын комплекстүү өркүндөтүү;
• шаар уруксат берген таштанды полигонун рекультивациялоо жана жаңы полигонду куруу аркылуу экологиялык абалды жакшыртуу.
Ошол эле учурда долбоордо төмөнкү иш-чаралар каралган:
• жаңы санитардык полигонду куруу (анын ичинде кире турган жол);
• полигонду иштетүү үчүн жабдуулар жана механизмдер;
• ишкананын имараттарын модернизациялоо (курулуш иштери, жабдуулар жана эмеректер);
• таштанды контейнерлери менен камсыз кылуу;
• таштандыларды кабыл алуу пункттарын реабилитациялоо.
