Садыр Жапаров Япониянын “РОТОБО” бизнес-ассоциациясы менен жолукту

Садыр Жапаров Япониянын “РОТОБО” бизнес-ассоциациясы менен жолукту

Президент Садыр Жапаров бүгүн, 20-ноябрда, Японияга болгон расмий сапарынын алкагында Токио шаарында япониялык "РОТОБО" ассоциациясынын жетекчилиги менен ишкердик жолугушуу өткөрдү. Бул тууралуу президенттин администрациясы билдирди.

Россия жана жаңы көз карандысыз мамлекеттер менен соода боюнча Япониянын ассоциациясы (РОТОБО) 1967-жылы негизделген жана КМШ, жакынкы жана алыскы чет өлкөлөр менен ишкер кызматташтыкты өнүктүрүүгө көмөктөшөт. Өнөктөш өлкөлөр болуп Россия, Украина, Беларусь, Молдова, Казакстан, Кыргызстан, Өзбекстан, Түркмөнстан, Тажикстан, Азербайжан, Армения, Грузия жана Монголия саналат.

Жогорку даражалуу меймандар менен учурашып жатып Ассоциациянын президенти Масами Иидзима Кыргызстандын президенти менен жолугушуу алар үчүн чоң сыймык экенин белгиледи.

Ал Япония Өкмөтү Борбор Азияга болгон кызыгуусун арттырып жатканын канааттануу менен белгиледи. Бул нерсени жогорку деңгээлдеги "Япония+Борбор Азия" форматынын алкагында 2024-жылы пландалган иш-чаралар тастыктап турат.

Бул контекстте Масами Иидзима ушул жылдын ноябрь айынын аягында 20 адамдан турган эксперттик топ Кыргызстанга жөнөтүлөрүн, алар Япониянын алдыңкы компаниялары менен ири ишканаларынын өкүлдөрү болорун билдирди. Сапардын алкагында бир катар иш-чаралар, анын ичинде Бишкек эркин экономикалык зонасына баруу, Кыргызстандын мамлекеттик органдарынын өкүлдөрү менен жолугушуулар каралган.

Ал эксперттик топтун сапарын Кыргызстан менен ырааттуу мамилелерди кадам сайын өнүктүрүү, эки өлкөнүн ортосундагы масштабды жана бизнести көтөрүү үчүн эң потенциалдуу чөйрөлөрдү аныктоо мүмкүнчүлүгү катары колдонуу ниети жөнүндө белгилеп өттү. Атап айтканда, япон тарап Кыргызстан менен экономикалык алмашууну өнүктүрүүгө кызыкдар жана туризм, айыл чарба, энергетика, өнөр жай ж. б. сыяктуу багыттар боюнча бизнес-диалогду активдештирүүгө даяр.

Мамлекет башчысы кыргыз тарап менен ГЭСтерди куруу, энергиянын кайра жаралуучу булактарын өнүктүрүү, ошондой эле бул багыттар боюнча биргелешкен илимий изилдөөлөрдү жүргүзүү жаатында кызматташуунун жаңы мүмкүнчүлүктөрүнө жана болгон потенциалына өзгөчө көңүл бурду.

Андан соң Кыргызстандын экономика жана коммерция министри Данияр Амангельдиев презентация жасап, өлкөнүн инвесторлор үчүн мүмкүнчүлүктөрү жана преференциялык шарттары тууралуу кеңири маалымат берди.

Read more

«Альянс Алтын» «жашыл» энергетика жана адам капиталына инвестициялоо курсун белгиледи

«Альянс Алтын» «жашыл» энергетика жана адам капиталына инвестициялоо курсун белгиледи

Ысык-Көлдө өткөн VII кыргыз-орус экономикалык форумунда «Альянс Алтын» компаниясы өз ишмердүүлүгүнүн негизги багыттары менен тааныштырды. Бул тууралуу ишкананын басма сөз кызматы билдирди. Негизги көңүл Талас районундагы «Жерүй» кичи ГЭСинин курулушуна жана ЖОЖдор менен биргеликте билим берүү демилгелерин баштоого багытталган. Кубаттуулугу 28 МВтка чейинки диверсиялык ГЭСти куруу боюнча инвестициялык долбоорду «Альянс

Талас өнүктүрүү фонду минералдык суу чыгаруучу кичи заводду ишке киргизүүгө колдоо көрсөттү

Талас өнүктүрүү фонду минералдык суу чыгаруучу кичи заводду ишке киргизүүгө колдоо көрсөттү

Талас районунун Беш-Таш айылында быйыл күзүндө Арашан бренди менен ичүүчү минералдык суу чыгаруучу кичи завод иштей баштайт. Долбоор Талас районунун өнүктүрүү фондунун каржылык колдоосу менен ишке ашырылууда. Бул тууралуу Айыл чарба министрлиги билдирди. Башкармалыкта белгиленгендей, ишкананын курулушуна 10,1 млн сом каралса, анын 7 млн сому жабдууларды сатып алууга бөлүнгөн.

Альянс Алтын лабораториясы ISO/IEC 17025:2019 эл аралык аккредитациясын алды

Альянс Алтын лабораториясы ISO/IEC 17025:2019 эл аралык аккредитациясын алды

«Альянс Алтын» ЖЧКсынын Борбордук анализ жана аналитикалык лабораториясы ISO/IEC 17025:2019 эл аралык стандартына ылайыктуулугу боюнча аккредитациялык сертификатка ээ болду. Бул тууралуу компаниянын басма сөз кызматы билдирди. Компания белгилегендей, бул стандарт сыноо жана калибрлөө лабораторияларынын компетенциясына талаптарды белгилейт жана алардын масштабына карабастан лабораториялык сыноолорду жүргүзгөн бардык уюмдарга жайылтылат. Аккредитация

«Альянс Алтын» 1000-кызматкерин кабыл алды

«Альянс Алтын» 1000-кызматкерин кабыл алды

2025-жылдын 23-июлунда «Альянс Алтын» компаниянын расмий штаттык курамына 1000-кызматкер кабыл алынды. Бул тууралуу ишкана билдирди. Такталгандай, жаңы кызматкер Сасык-Булак айылынын (Шумкар-Уя айыл аймагы) тургуну Сыргак уулу Бекболсун болду. Ал 18-июлда ишкананын Автотранспорт башкармалыгынын Автоунааларды оңдоо кызматына нөөмөтчү автослесарь болуп жумушка орношкон. Бул символикалык сан кызматкерлердин катары көбөйүп жатканын гана эмес,