Корея грантынын эсебинен Кеминде жаңы санитардык полигон курулат
Жаратылыш ресурстары, экология жана техникалык көзөмөл министрлиги Корея Республикасынын Климат, энергетика жана айлана-чөйрө министрлигинин түзүмдүк бөлүмү болгон MYC Inc. (Make Your Climate) кореялык компаниясы менен биргеликте 12-ноябрдан 17-ноябрга чейин кореялык делегация менен биринчи жолугушуу өткөрдү.
Министрликтин маалыматына ылайык, Корея тараптан гранттык колдоо алуу максатында, Чүй облусунун Кемин районундагы Кемин шаарында жана Орловкада санитардык полигонун куруу үчүн жерлерди биргелешип изилдөө жүргүзүлдү.
"Кыргызстандын Чүй облусунда санитардык полигон куру" долбоорунун максаты: Полигондогу калдыктардын акыркы көлөмүн азайтуу жана айлана-чөйрөгө тийгизген таасирин минималдаштыруу үчүн көмүү/өрттөө/сорттоону айкалыштырган калдыктарды башкаруунун интеграцияланган системасын түзүү.
Долбоор 2027-жылдан 2031-жылга чейин созулуп, бюджети 10 миллион долларга чейин жетет. K-eco корпорациясы ишке ашыруучу агенттик, ал эми KEITI башкаруучу уюм болот.
