Мамлекеттик ипотекалык компаниянын кызматкерлери Нарын облусуна барып көп кабаттуу үйдүн курулушуна бөлүнгөн жер менен таанышышты. Бул тууралуу МИКтин маалымат кызматы билдирди.

Иш сапардын алкагында МИКтин курулуш иштери боюнча төрайымдын орун басары Тилек Джеембаев, сатып алуу жана турак жай фондун башкаруу бөлүмүнүнү жетекчиси Жеңиш Омуралиев жана юрист Дина Нурбековалар Нарын обюлусундагы президенттин ыйгарым укуктуу өкүлү Алтынбек Эргешов менен курулуш иштери боюнча жолугушуп, бир катар маселелер жеринде талкууланды.

Жыйындын жүрүшүндө Нарында көп кабаттуу үйдүн курулушу боюнча берген тапшырмасын аткаруу боюнча жогоруда аталган мекемелердин өз ара аракеттенүүсүнүн ырааттуулугу аныкталды. Жыйынтыгында бөлүнүп берилген жер тилкесине көп кабаттуу үйдү куруу чечими кабыл алынды.