Бишкектеги «Батуми» кафесинин буздуруусун УКМК текшерет
КР УКМК төрагасы Камчыбек Ташиев Бишкек шаарында жайгашкан «Батуми» кафесин мэриянын тарабынан бузулушу тууралуу өз жеринен барып таанышып келди. Бул тууралуу мекеме билдирди.
Эске салсак, «Батуми» кафеси шаардык мэриянын тарабынан 24 майда буздурулган. Ишкананы ээси Кадича Бечелова аларга расмий эскертүү берилбегенин, буздуруу боюнча сот чечими жоктугун айтты.
Ташиев тийиштүү мекемелердин кызматкерлерине аталган иштин чоо-жайын толук аныктап, мыйзам чегинде кайрадан карап чыгууну, эгерде бузуу мыйзамсыз болсо күнөөлүүлөрдү жоопко тартууну тапшырды.
