Ошто заманбап клиника курулууда
Ош шаарында 7 кабаттуу, заманбап клиника курулууда. Шаардын мэри Бакытбек Жетигенов курулуш иштери менен жеринен таанышты.
Мэриянын маалыматына ылайык, клиника бардык керектүү жабдыктар менен жабдылат. Анда эл аралык үлгүлөрүнө жооп берген медициналык кызматкерлер иш алып барат. 174 орундуу имараттын жалпы курулуш аянты 20 миң чарчы метрди түзөт.
Медициналык мекеменин курулушу үч жылга мерчемделип, жумуштарды университет өз алдынча жүргүзөт. Жакынкы аралыкта долбоордук документтер даярдалып бүткөндөн кийин курулуш иштери башталат.
