Өзгөн районунда 4 мектептин курулуш иштери улантууда. Алар 2023-2024-жаңы окуу жылында пайдаланууга берилет. Бул тууралуу президенттин Ош облусундагы өкүлчүлүгү билдирди.

Такталгандай, курулушу жүрүп жаткан Токтогул айылындагы Шопоков, Алга айылындагы К.Ботобеков, Үч-Капчал айылындагы Оморкулов, Салам-Алик айылынын Примкулов атындагы мектептердин курулушу бүткөрүлөт.

Президенттин өкүлүнүн биринчи орун басары Уристем Манапов иштердин сапатына өзгөчө басым жасап, курулушту өз мөөнөтүндө бүтүрүү зарылдыгын белгиледи.