Кореялык T'way Air Co., Ltd. авиакомпаниясы ушул жылдын 11-июнунда Сеул-Бишкек-Сеул багыты боюнча үзгүлтүксүз авиакаттамдарын ачууну максат кылууда. Бул тууралуу «Манас» аэропорту билдирди.

Маалыматка ылайык, «Манас» эл аралык аэропортунан Түштүк Кореянын борборуна биринчи жолу үзгүлтүксүз каттамдар аткарылат. Сеулга каттамдар жумасына бир жолу аткарылат - учуу дүйшөмбүдө, конуу жекшембиде.

«МЭА» ААК аталган каттам боюнча суроолор болсо, жогоруда аталган авиакомпания менен түз байланышууну сунуштайт.