Туристтик сезондун астында Чолпон-Атада эс алуу паркы ачылды
Чолпон-Ата шаарында жаңы эс алуу паркы ачылды. Бул тууралуу мамлекет башчысынын маалымат кызматы кабарлады.
Эс алуу жана сейилдөө үчүн президенттин №2 мамлекеттик резиденциясынын аймагы бөлүнгөн. Парктын жалпы аянты 16 гектарды түзөт, анын аймагында: амфитеатр, веложол, көпүрөлөр, фонтан, жасалма арал жайгашкан. Парк Чолпон-Ата шаарынын мэриясынын балансына өткөрүлүп берилди.
Ачылыш аземинде президент Садыр Жапаров ал туристтик сезондун алдында айлана-чөйрөнүн тазалыгын сактоого, өлкөнүн коноктору арасында туристтик объектилердин жагымдуулугун арттыруу үчүн инфраструктурага аяр мамиле кылууга чакырды.
«Анткени бул туризм тармагынын ийгилигинин негизги факторлорунун бири. Кыргызстанда кооз жерлер көп, андыктан башкалар биз жөнүндө таанып-билип жана бул кооздукка ынануусу маанилүү. Ал эми бул жерде жергиликтүү бийликтин гана эмес, аймактын тургундарынын өздөрүнүн да жасаган мамилеси маанилүү», - деди Жапаров.
