Ош – Баткен – Исфана автожолун реконструкциялоодо 189 млн сом кымырылган
Ош – Баткен – Исфана автожолун реконструкциялоодо Транспорт министрлигинин кызматкерлери 189.2 млн сомго зыян келтиришкен. Бул фактылар Башкы прокуратуранын жүргүзгөн текшерүүсүндө аныткалган.
Такталгандай, Транспорт жана коммуникациялар министрлиги тарабынан 2017-2021-жылдары бул долбоор боюнча подряддык компанияга 20 млн 136 миң 220 доллар которулган.
«Бирок, аталган министрликтин жооптуу кызмат адамдары подряддык компания 189.2 млн сомдук жумуштарды аткарбагандыгына карабастан, атайын банктык кепилдикти узартпастан, жумуш аткаруу актыларын негизсиз кабыл алышып, жолду мыйзамсыз эксплуатацияга киргизишкен», - деп мекеме белгиледи.
Текшерүүнүн жыйынтыгы боюнча КРнын Башкы прокуратурасы тарабынан Кылмыш-жаза кодексинин 337 (кызмат абалын кыянаттык менен пайдалануу), 245 (коммерциялык же башка уюмдардын кызматчыларынын ыйгарым укуктарын кыянаттык менен пайдалануусу) жана 346-беренелери (кызматтык жасалмачылык) менен кылмыш иши козголуп, учурда тергөө аракеттери жүргүзүлүүдө.
