Бишкектин дагы 7 көчөсүндө коомдук транспорт үчүн атайын тилкелер пайда болот

Бишкектин мэриясынын Транспорт жана жол-транспорттук инфратүзүмдү өнүктүрүү департаменти “Бишкекасфальтсервис” муниципалдык ишканасы менен биргеликте пилоттук долбоорлордун негизинде Бишкек шаарынын көчө-жол тармагынын өткөрүү жөндөмдүүлүгүн жакшыртуу боюнча иштерди жүргүзүү пландаштырылууда. Бул тууралуу мэрия билдирди.

Үстүбүздөгү жылдын аягына чейин шаардын төмөнкү негизги көчөлөрүндө атайын тилкелерди уюштуруу пландаштырылууда:

• Токомбаев көчөсү Н.Жетикашкаева көчөсүнөн Байтик Баатыр көчөсүнө чейин;

• Байтик Баатыр-Абдрахманов көчөлөрүндө Жибек - Жолу проспектисинен Токомбаев көчөсүнө чейин;

• Жибек-Жолу проспектисинде Лермонтов көчөсүнөн Фучик көчөсүнө чейин;

• Манас проспектисинде Жибек-Жолу проспектисинен Ахунбаев көчөсүнө чейин;

• Ахунбаев көчөсү Садырбаев көчөсүнөн Байтик Баатыр көчөсүнө чейин;

• Ден-Сяопин проспектисинде Фучик көчөсүнөн Алыкулов көчөсүнө чейин;

• Чүй проспектисинде 7-апрель көчөсүнөн Фучик көчөсүнө чейин;

• 7-апрель көчөсү Жибек-Жолу проспектисинен Анкара көчөсүнө чейин.