Жамааттык коопсуздук келишим уюмуна (ЖККУга) мүчө өлкөлөрдө, анын ичинде Россияда жана Кыргызстанда "Нелегал" операциясынын алкагында мезгил-мезгили менен ыкчам-алдын алуу иш-чаралары өтүп турат. Бул тууралуу Эмгек министрлиги билдирди.

Учурда Москва шаары боюнча 2023-жылы "Нелегал" операциясынын кезектеги этабы өтүп жатат. Ушуга байланыштуу текшерүүлөрдүн саны жана ага ылайык административдик укук бузуулар боюнча кармалгандардын саны көбөйүүдө.

Административдик жана башка жоопкерчиликке тартылбоо үчүн Россия Федерациясынын аймагына убактылуу келген Кыргыз Республикасынын бардык жарандарынан өздөрүнүн миграциялык документтерин (каттоо, эмгек келишим ж.б )мыйзамдаштырууну суранабыз.