Депутат кайрылмандарга айыл чарба багытындагы жерлерди берүүнү сунуштады
Депутат Нурланбек Азыгалиев кайрылман статусуна ээ болгон этникалык кыргыздарга катталган жана жашаган айыл аймагынын аймагындагы айыл чарба багытындагы жерлерден берүүнү сунуштады.
Эске салсак, депутат Жогорку Кеңештин жыйынында «КРна көчүп келүүчү этникалык кыргыздарга берилүүчү мамлекеттик кепилдиктер жөнүндө» мыйзамына згөртүүлөрдү киргизүү тууралуу» мыйзам долбоорун демилгелеген.
Нурланбек Азыгалиев сунушталып жаткан өзгөртүүлөр тууралуу маалымат берди. Ал белгилегендей, мыйзам долбоору этникалык кыргыздарга КРнын мыйзамдарына ылайык келтирүү, этникалык кыргыздардын тарыхый мекенине көчүп келүүгө көмөк көрсөтүү, ошондой эле алардын мамлекет тарабынан кепилденген укуктарын ишке ашыруу зарылчылыгынан улам келип чыккан жоболорун өркүндөтүү максатында иштелип чыгып, демилгеленип жатат.
