Ашууларда жол ачык, унаа кыймылына чектөө жок

Бүгүн, 31-октябрга карата өлкөнүн ашуулары менен жолдорунда унаа кыймылына чектөө жок, жол ачык. Жол тейлөө ишканаларынын кызматкерлери өздөрүнө бөлүнгөн аймакты толук көзөмөлдөп жатышат. Бул тууралуу Транспорт жана коммуникациялар министрлиги билдирди.

Такталгандай, Ош-Сары-Таш-Эркечтам унаа жолунун Чыйырчык ашуусунда, Ала-Бука-Жаңы-Базар-Кировканын Чапчыма ашуусунда, Каракол-Эңилчек жолунун Чоң-Ашуу жана Барскоон-Ак-Шыйрак жолунун Сөөк ашуусунда, Боом капчыгайында, Бишкек-Нарын-Торугарт унаа жолунун Долон, Чар, Ак-Бейит, Түз-Бел, Кубакы ашуулары менен Өтмөк жана Ала-Белде жол ачык, каттам бар. Ал эми Төө-Ашууда кар жаап, жолчулар тарабынан инерттик материалдар чачылууда, жол ачык.

Буга чейин Кыргызгидромет борбору 31-октябрь жана 1-2-ноябрь күндөрү аба ырайы кескин өзгөрүп, көпчүлүк аймактарда жаан, тоолуу райондордо кар жаай турганын кабарлап, шашылыш билдирүү тараткан.