Коом

Депутаттар коомдук жайларда тамеки тартуу үчүн айып пулду көбөйтүүнү сунушташты

Чынгыз Керимбеков

20 нояб. 2023 14:20

Социалдык саясат боюнча комитетинин жыйынында «КРнын айрым мыйзам актыларына өзгөртүүлөрдү киргизүү жөнүндө («КРнын жарандарынын ден соолугун тамекини, никотинди керектөөнүн кесепеттеринен жана айланадагы тамеки түтүнүнүн жана аэрозолдун таасиринен коргоо жөнүндө» мыйзамга жана окууда каралды. Бул тууралуу парламент билдирди.

Мыйзам долбоору Жогорку Кеңештин депутаттары Улугбек Ормонов, Бактыбек Сыдыков, Эльмурза Сатыбалдиев, Акылбек Түмөнбаев тарабынан демилгеленген.

Жыйында баяндама жасаган мыйзам долбоорунун демилгечилеринин бири депутат Эльмурза Сатыбалдиев белгилегендей, көбүнчө мыйзамдын талаптарын бузуу менен коомдук жайларда системалуу түрдө тамеки тартуунун көбөйүшү байкалат.

Буга байланыштуу мыйзам долбоору менен Укук бузуулар жөнүндө кодексинин 83 (Белгиленбеген жерлерде тамеки заттарын тартуу), 84 (Калкты тамеки заттарынын зыяндуу таасиринен коргоо эрежелерин бузуу), 85 (Тамеки заттарын сатуу жана жүгүртүү тартибин бузуу) беренелериндеги жоболорду сактабагандык үчүн айыпты көбөйтүү жана 85-беренени жаӊы төмөнкүдөй мазмундагы 4-бөлүк менен толуктоо «4. 16 жашка чыга элек балдардын тамеки буюмдарын сатуусу – жеке жактарга – 55 эсептик көрсөткүч өлчөмүндө, юридикалык жактарга - 170 эсептик көрсөткүч өлчөмүндө айып пул салууга алып келет» сунушталууда.

Жыйынтыгында мыйзам долбоорунун концепциясы колдоо тапты.

Мындан тышкары окуңуз

С.Жапаров: Мугалимдердин айлык акысы 1-апрелден баштап 40 миң сомго жетет

Президенти Садыр Жапаров бүгүн, 15-ноябрда, “Ала-Арча” мамлекеттик резиденциясынын аймагында жайгашкан бир катар социалдык объектилердин ачылыш аземине катышты. Аянты 10,5 гектарга жакын аймакта билим берүү, тарбиялоо жана ден соолукту чыңдоо боюнча заманбап комплекстин ачылышы болду. Бул комплекстеги 570 окуучуга ылайыкталган 20 заманбап кабинет жана өзүнчө музыкалык блок менен жабдылган эки

Шардари суу сактагычына келүүчү болжолдуу суу көлөмү макулдашылды

Ашхабад шаарында Мамлекеттер аралык координациялык суучарбалык комиссиянын 91-отуруму өткөнүн Казакстандын Суу ресурстары жана ирригация министрлиги жазды. Отурумга Түркмөнстандын суу чарба мамлекеттик комитетинин төрагасы Дурды Генджиев, Казакстандын суу ресурстары жана ирригация министри Нуржан Нуржигитов, Өзбекстан суу чарба министри Шавкат Хамраев, Тажикстандын энергетика жана суу ресурстары министринин биринчи орун басары Жамшед Шоди

Суу ресурстары, айыл чарба министрлигине 7ге чейин кызматтык автоунаа кармоого уруксат берилди

МинКаб мамлекеттик жана муниципалдык органдар тарабынан кызматтык жана нөөмөттүк автоунааларды пайдалануу эрежеси жөнүндө токтомго өзгөртүү киргизди. Мындай чечим Суу ресурстары, айыл чарба жана кайра иштетүү өнөр жайы министрлигинин ишинин оперативдүүлүгүн жана мобилдүүлүгүн жогорулатуу үчүн кабыл алынган. Өзгөртүүлөргө ылайык министрликтин борбордук аппаратында жетиге чейин кызматтык жана нөөмөттүк автоунаа кармоого уруксат берилди.

Ынтымак айылында 150 орундуу мектеп курулуп жатат

Түп районунун Ынтымак айылында сметалык баасы 100 млн сом болгон мектеп республикалык бюджеттин каржылоосунда курулуп жатат. Курулуш министрлигинин билдиришинче мектеп 150 окуучуга ылайыкталган жана ал спорт залы бар, эки кабаттуу имарат болот. Учурда мектептин ички монтаждоо иштери жүрүп жатат.