«Электр станциялары» ААКнун филиалдары Бишкек шаардык ЖЭБ жана «Бишкекжылуулуктармагы» ишканасынын тиричилик эмес керектөөчүлөрү керектелген жылуулук энергиясы жана ысык суу үчүн өздүк наркыннын деңгээлинде төлөм жүргүзүшөт. Бул тууралуу Энергетика министрлиги эскертти.

Энергетика секторунун өзүн-өзү актоо принциптерин киргизүү, ошондой эле энергетикалык ишканалардын финансылык көрсөткүчтөрүн жыл сайын жакшыртуу максатында 2023-жылдын 24-ноябрында министрлер кабинетинин 2021-2025-жылдарга карата жылуулук энергиясына болгон орто мөөнөттүү тарифтик саясатына өзгөртүүлөр киргизилди.

Бул тарифтик саясатка киргизилген негизги өзгөртүүлөр:

«Электр станциялар» ААКнун Бишкек шаарынын ЖЭБ жана «Бишкек жылуулук тармактары» филиалынын «Өнөр жай», «Башка керектөөчүлөр» жана «Бюджеттик керектөөчүлөр» тобу үчүн жылуулук энергиясына жана ысык сууга болгон тарифтер жылуулук энергиясынын наркынын деңгээлинде колдонулат.

Азыркы учурда тиешелүү токтомго кол коюлуп, анын негизинде жылуулук энергиясынын жана ысык суунун наркынын деңгээли аталган ишкананын техникалык-экономикалык көрсөткүчтөрү каралат жана тарифтер орнотулат.

Белгилей кетсек, көрсөтүлгөн өзгөртүүлөр калк үчүн жылуулук энергиясына жана ысык суу менен камсыздоо тарифтерине таасирин тийгизбейт.

Тарифтик саясатка киргизилип жаткан өзгөртүүлөр Советтер Союзунун убагынан бери иштеп келе жаткан энергетикалык жабдууларды жаңыртууга мүмкүндүк бере турган зарылчылык болуп саналат. Иштеп жаткан жылуулук станцияларды жана тармактарды реконструкциялоого жана модернизациялоого карабастан азыркы учурда энергектикалык жабдууларынын эскириши 80% дан жогору түзөт.