Баткен ИИБинде заманбап эксперттик-химиялык лаборатория ачылды
Баткен облусун ички иштер башкармалыгынын маалымат кызматы аталган мекемеде химиялык лабораториянын ачылышы менен эксперттик-криминалистикалык кызматтын мүмкүнчүлүгү кеңейгенин билдирди.
Мурда Баткен ИИБинде эксперттик бүтүм ок атуучу жана кесүүчү куралдар, манжалардын издери менен гана жүргүзүлүп келсе, эми наркотикалык заттар менен алардан жасалган психотроптук заттарга анализ жасоого жана жеринде эксперттик бүтүм чыгарып берүү мүмкүнчүлүгү жаралган.
Лаборатория бардык заманбап жабдыктар менен жабдылгандыктан кылмыштарды иликтөөдө абдан ыкчам жана так жыйынтыктарды алууга болот.
Буга чейин наркотика боюнча эксперттик бүтүмдү Баткенден 240 чакырым алыстыктагы Ош шаарынан буюртма менен алууга туура келчү.
