Кыргызстанда көмүртектик-нейтралдык токой түзүү долбоору ишке ашты
Э.Гареев атындагы ботаникалык бакчанын территориясында көмүртектик-нейтралдык токой түзүү долбоору ишке ашканын аталган мекемеден билдиришти.
Долбоордун максаты көмүртектик-нейтралдык токой түзүүнүн негизин түптөө, ошондой эле көмүртектик нейтралдуулук саясатын иштеп чыгуу жана аны ишке ашыруу чөйрөсүндөгү потенциалды өнүктүрүү.
“Бул долбоордун алкагында “Корея бакча дүйнөсүнүн” инфраструктурасы жакшыртылып, көчөттөрдү отургузуу үчүн питомниктер менен теплицалар курулуп, аларга көмүртектик-нейтралдуулукту түзүү үчүн көчөттөр отургузулган. Ошондой эле көмүртектик-нейтралдуулук жаатындагы адистерди даярдоо боюнча программалар ишке ашырылды. Жакынкы күндөрдө Кореядан келген делегаттардын катышуусунда бакчанын расмий ачылышы болот” делет маалыматта.
Көмүртектик-нейтралдык токой – бул көмүртек бөлүп чыгаруу менен аны жутуу ортосундагы балансты кармап туруучу токой. Токой абадагы көмүртекти табийгый сиңирип алуучу болот, а бак дарактардын өсүшү алар бөлүп чыгарган көлөмдөгү көмүртек жутулган көмүртек менен барабар болот.
