Бишкекте экстремизм жана терроризмге каршы семинар-тренинг өттү
Бишкек шаарында экстремизм жана терроризмдин алдын алуу, мамлекеттик органдардын ишин координациялоо жана кызматташууну чыңдоо максатында семинар-тренинг уюштурулду. Бул тууралуу муниципалитеттен билдиришти.
Иш-чарага шаар мэринин орун басары Виктория Мозгачева жана райондук администрациялардын өкүлдөрү катышты. Семинарда социалдык факторлордун экстремизмге таасири, жаштар менен алдын алуу иштерин уюштуруу, репатриациядан кийин жарандардын коомго кайра адаптацияланышы жана мамлекеттик органдардын өз ара кызматташуусу сыяктуу маселелер талкууланды.
Бул тренинг экстремизм менен күрөшүүдө мамлекеттик органдардын эффективдүүлүгүн жогорулатууга жана коомдук коопсуздукту чыңдоого багытталган.
