Москвада акыркы 56 жылдан бери эң көп кар жаады
Москва шаарында акыркы 56 жылдагы кардын эң көп жаашы катталды. Россиянын борборунда бир сутканын ичинде айлык жаан-чачын нормасынын 42%ы түшкөнүн "Фобос" аба ырайы борборунун адиси Евгений Тишковец билдирди.
Шаарда кар катмарынын бийиктиги 39 сантиметрге жетти. Жааган кар 1976-жылдагы рекордду жаңылады— ал учурда Москвада 12,9 миллиметр жаан-чачын катталган.
"…Москвада кыштын ортосунда мындай кардуу апаат акыркы 56 жылдан бери болгон эмес", — деп белгиледи адис.
