Бишкек автопаркы 95 жаңы автобус менен толукталат
Бишкек шаарына жакынкы күндөрү 95 жаңы эко автобус жеткирилет. Бул тууралуу борбор калаанын мэриясынан билдиришти.
Маалыматка караганда, бардык автобустар заводдон чыгып, Бишкекке жолго чыккан.
Бул жеткирүү шаардык коомдук транспортту модернизациялоо жана автопаркты жаңылоо программасынын алкагында ишке ашууда. Жаңы автобустар шаардыктар үчүн жүрүүдө ыңгайлуулукту жана коопсуздукту жогорулатып, зыяндуу заттардын абага бөлүнүшүн азайтууга жардам берет.
Европа кайра куруу жана өнүктүрүү банкынын (ЕБРР) "Жашыл шаар" долбоору заманбап транспорттук инфраструктураны өнүктүрүүгө жана энергияны үнөмдүү пайдаланууга багытталган. Мэриянын маалыматы боюнча, автобустарды жаңылоо — туруктуу жана экологиялык жактан таза транспорттук система түзүүнүн маанилүү этабы болуп саналат.
