Коом

Чүйдө KOICA гранты менен дыйкандарга агропроцессинг борбору курулат

Айгерим Качкынбекова

Чүйдө KOICA гранты менен дыйкандарга агропроцессинг борбору курулат

Күн мурун "Кыргыз Агрохолдинг" ААКсы, Суу ресурстары, айыл чарба жана кайра иштетүү өнөр жайы министрлигинин өкүлдөрү жана KOICA делегациясы Сокулук районундагы Жаңы-Жер айылында курула турган агропроцессинг борбору боюнча гранттык долбоордун жүрүшүн талкуулашты. Бул тууралуу Айыл чарба министрлигинин басма сөз кызматынан билдиришти.

Делегацияны KOICAнын Кыргызстандагы өкүлчүлүгүнүн директорунун орун басары жетектеди.

Маалыматка ылайык, долбоор айыл чарба продукциясынын кошумча нарк чынжырчасын өнүктүрүүнү, дыйкандардын кирешесин арттырууну жана аймактын экспорттук потенциалын жогорулатууну көздөйт. Объект KOICAнын гранттык каражаттарынын эсебинен каржыланып, жалпы бюджети 5-6 млн АКШ долларын түзөт.

Жолугушууда жер тилкесин бөлүп берүү, техникалык-экономикалык негиздемени даярдоо жана иш графигин тактоо сыяктуу маанилүү маселелер каралды. Тараптар долбоордун Чүй облусу үчүн социалдык-экономикалык маанисин белгилешти. KOICAнын өкүлү агропроцессинг борбору айыл чарба тармагы үчүн үлгүлүү объект болоруна ишенимин билдирди.

Жыйынтыгында катышуучулар долбоорду убагында жана ийгиликтүү ишке ашыруу үчүн биргелешкен иштерди күчөтүүгө макул болушту.

Жаңылыктар биздин Телеграмм каналда

Мындан тышкары окуңуз

Бишкектеги Киев көчөсүнүн бир бөлүгү жабылат

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.
Өлкө аймагында абанын табы 40 градуска жетери кабарланды

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:
Ноокатта 5 социалдык имараттын курулушу башталды

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.
Ветеринардык көзөмөл посттору текшерилди

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”