Э.Чечейбаев: Кыргызстандыктар дарыга өтө көп каражат коротууда

Э.Чечейбаев: Кыргызстандыктар дарыга өтө көп каражат коротууда

Кыргызстандыктар дарыга өтө көп каражат коротушат, ошондуктан дарыканалардын санын кыскартуу зарыл. Бул тууралуу саламаттык сактоо министри Эркин Чечейбаев “Кабар" маалымат агенттигине берген маегинде билдирди.

Министрдин айтуусунда, он жыл мурун жүргүзүлгөн изилдөөнүн жыйынтыгы бүгүн да өзгөрүүсүз бойдон калган. Мамлекет саламаттык сактоого канча каражат бөлсө, жарандар дагы ошол деңгээлде дары-дармекке акча коротууда.

Чечейбаевдин айтымында, дары менен камсыздоо толугу менен жеке сектордун колунда болгондуктан, рыноктун негизги максаты — киреше табуу.

“Аптекалар канчалык көп болсо, сатуу ошончолук көп болот. Демек, адамдар да көбүрөөк дары ичишет. Муну токтотушубуз керек. Дарыканалардын санын азайтып, дарыларды жарнамалоого тыюу салууга тийишпиз”, — деди министр.

Ал дары-дармектердин активдүү жарнамасы элди дарыгерге кайрылбай эле өз алдынча дарыланууга түртүп жатканын белгиледи. Айрыкча антибиотиктерди көзөмөлсүз колдонуу коркунучтуу экени эскертилди.

“Антибиотик — күчтүү дары. Аны зарыл учур болбосо ичүү туура эмес. Дарыгер гана диагноз коюп, рецепт жазышы керек”, — деди ал.

Министр азыр сасык тумоо күчөп жатканын белгилеп, сасык тумоодо антибиотик ичүү туура эместигин баса белгиледи.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Коом

Акыркы жаңылыктар

Баары

Новопавловкада таза суу убактылуу өчүрүлөт

Көмүрдүн сапаты абанын булганышына канчалык таасир этет?

Каржы пирамидаларын уюштургандарга жазаны катаалдаштыруу сунушталууда

Боз-Учук – Шахта – Жыргалаң жолунун курулуш иштери 62% бүттү

Бишкектин Исакеев көчөсүндө жол оңдоо иштери аяктады