Жогорку Кеңештин депутаттарын мөөнөтүнөн мурда шайлоонун алдында эскертүү
Добуш берүү тартиби боюнча айрым жарандар арасында түшүнбөстүктөр байкалып, көптөгөн суроолор пайда болууда. Өзгөчө көп тараган жаңылыш пикирлердин бири- “Бир округдан үч депутат шайланат, ошондуктан үч талапкерге добуш берсе болот экен” деген маалымат. Бул –туура эмес. Ушул жана башка маанилүү маселелерди Кыргыз Республикасынын Борбордук шайлоо комиссиясынын мүчөсү Абдыжапар Бекматов “Биринчи радионун” түз эфиринде түшүндүрүп берди. Анын айтымында:
-Бир мандаттуу округдан шайлоочу бир гана талапкерге добуш берет.
-Бир округдагы үч мандат тең бир жыныстагы талапкерлерге берилбейт-бул мыйзамдагы тең салмактуулук талабы.
-Шайлоочу башка региондо жүрсө да, өзүнүн округундагы талапкерге добуш бере алат.
Ошондой эле БШК өкүлү 90 мандаттын 30дан кем эмеси бир жыныстагы депутаттарга бериле тургандыгын жана шайлоочулар бюлетенге 1ден ашык же такыр белги койбой койсо, ал бюллетен жараксыз болуп калаарын билдирди.
