Коом

Жогорку сот биринчи жолу ачык соттук отурумду трансляциялоону баштады

Ишкер Media

09 дек. 2025 16:19

КРнын Жогорку соту тарабынан реалдуу соттук отурумдарды ачык видео трансляциялоо боюнча пилоттук долбоор ишке киргизилүүдө. Бул ар бир жаранга сот адилеттигинин кандайча иштеп жаткандыгын жеке өзү байкоо мүмкүнчүлүгүн берүү үчүн маанилүү кадам. Мындай билдирүүнү Жогорку соттун басма сөз кызматынан кабарлашты.

Билдирүүгө караганда, 2025-жылдын ноябрь, декабрь айларында ар түрдүү категориядагы иштер боюнча сот отурумдарын видеого тартуу башталды.

Долбоордун башкы максаты — сот адилеттигин калк үчүн мүмкүн болушунча ачык жана түшүнүктүү кылуу болуп саналат. Кыргыз Республикасынын Жазык-процесстик кодексинин 290-беренесин практикалык жүзөгө ашыруу, процесс катышуучуларынын өтүнүчү боюнча же соттун демилгеси менен сот отурумдарын реалдуу убакыт режиминде онлайн-трансляциялоого шарт түзөт. Мындай түз эфир теле-радио аркылуу жана интернетте жүргүзүлүшү мүмкүн.

Бардык сот отурумдарынын видеожазуулары Кыргыз Республикасынын Жогорку сотунун YouTube-каналына — «Жогорку сот Верховный суд» www.youtube.com/@JOGORKU_SOT) жеткиликтүү түрдө жайгаштырылат.

Маалыматка таянсак, видеоматериалдар пилоттук режимде даярдалган жана агартуу максатын гана көздөйт. Үчүнчү жактар тарабынан коммерциялык максатта пайдаланууга, ошондой эле автордук укук ээсинин уруксатысыз көчүрүүгө жана таратууга жол берилбейт.

Сот отурумдарын тартуу мыйзам талаптары жана сот адилеттигинин кызыкчылыктары сакталып, процесс катышуучуларынын өтүнүчү же соттун өз демилгеси боюнча уруксат берилгенден кийин жүзөгө ашырылат.

Мындан тышкары окуңуз

“Эмел”– 214 метр тереңдиктен чыккан "кыргыз боржомиси". Өндүрүүчү Азирет-Аалы Жакыпов менен маек

“Эмел” – Жумгалдын Көк-Ой айылынан чыккан табигый минералдык суу. Курамы жана даамы боюнча дүйнөгө таанымал “Боржомиге” окшош. Суу минералдарга бай болгондуктан, ички органдарга жана тамак сиңирүү системасына пайдалуу. 2014-жылдан бери үзгүлтүксүз иштеп, бирок өндүрүштүн көлөмү аз болгондуктан рынокко кеңири таанылбай келген. Быйыл ишкананын жабдуулары жаңылангандан кийин өндүрүштүн көлөмү 2,5-3 эсеге

Бишкекте шаардыктарга суткасына 20 миң куб метр суу берилет

Бишкек шаарында саатына 8 500 куб метр, суткасына 19–20 миң куб метр суу Орто-Алыш суу алуучу түйүнүнөн элге берилип турарын "Бишкекводоканал" муниципалдык ишканасынын суу менен камсыздоо кызматынын жетекчиси Кеңешбек Акматов бүгүн радио эфирде билдирди. Суу үнөмсүз колдонулгандыктан, жер алдындагы суунун деңгээли кадимкидегиден 100 метрге төмөндөп кеткен. Мурда

Кытайда 156 млн доллар пара алган чиновник өлүм жазасына тартылды

Бүгүн таң эрте Кытайдын Тяньцзинь шаарындагы орто баскычтагы Экинчи элдик сот мурдагы China Huarong International Holdings компаниясынын башкы директору Бай Тяньхуэге чыгарылган өлүм жазасын аткарганын РИА "Новости" билдирди. Тергөөнүн маалыматына ылайык, ал кызмат абалынан кыянаттык менен пайдаланып, үчүнчү тараптарга долбоорлорду жана корпоративдик финансылоону алууга көмөктөшкөн. Мунун ордуна ал

Мал базарларга эми документсиз мал киргизилбейт

Айыл чарба министрлигине караштуу Ветеринардык жана фитосанитардык коопсуздук боюнча мамлекеттик инспекциясы мал базарларында жана ири чарбаларда көзөмөлдү күчөткөнүн ведомствонун басма сөз кызматы билдирди. Маалыматка ылайык, базарларда бодо малдын кулак биркасынын, ал эми жылкыларда чибинин бар жогу текшерилет. Документсиз жаныбарлар соода аянтчасына киргизилбейт. Эреже бузгандарга төмөнкүдөй айып пул каралган: * физикалык жактар