Октябрь райондук прокуратурасынын заманбап имараты ишке кирди
КРнын Башкы прокурору Максат Асаналиев Бишкек шаарынын Октябрь райондук прокуратурасынын жаңы административдик имаратынын ачылыш аземине катышып, аны расмий түрдө пайдаланууга берди. Бул тууралуу ашкы прокуратурадан билдиришти.
Иш-чарага мамлекеттик бийлик органдарынын, укук коргоо түзүмдөрүнүн жана жалпыга маалымдоо каражаттарынын өкүлдөрү катышты.
Башкы прокурор жаңы имараттын ачылышы мыйзамдуулукту жана адилеттүүлүктү чыңдоого багытталган маанилүү кадам экенин белгилеп, бул өлкөдө укуктук тартипти бекемдөөгө жасалган иштердин жыйынтыгы экенин айтты.
Заманбап талаптарга ылайык курулган имаратта кызматкерлердин натыйжалуу иштөөсү жана жарандарды сапаттуу тейлөө үчүн бардык шарттар түзүлгөн.
