Кыргызстанда "Санарип көчмөн" статусун алуу үчүн онлайн платформа ишке кирди
Кыргыз Республикасында чет өлкөлүк жарандардын "Санарип көчмөн" (Digital Nomad) статусун алуу үчүн арыз берүү мүмкүнчүлүгүн камсыз кылган электрондук платформа ишке кирди. Бул тууралуу Эмгек, социалдык камсыздоо жана миграция министрлигинен билдиришти.
Онлайн-сервис төмөнкү дарек боюнча жеткиликтүү: http://dnomad.e-gov.kg.
Чет өлкөлүк жаран адегенде платформада жеке жеке кабинетин активдештирүү үчүн өтүнмө жөнөтөт. Жеке кабинет активдештирилгенден кийин гана "Санарип көчмөн" статусун алуу үчүн арыз берүү мүмкүнчүлүгү ачылат.
Арыз берүү зарыл болгон документтердин толук топтому болгондо гана жүргүзүлөт.
"Санарип көчмөн" статусу чет өлкөлүк жарандарга Кыргызстанда мыйзамдуу түрдө жашоого жана аралыктан иштөөгө мүмкүндүк берет. Биринчи этапта статус 60 күнгө берилет. Экинчи этапта ал 1 жылга узартылат жана жыл сайын 10 жылга чейин узартуу мүмкүнчүлүгү каралган.
Зарыл документтердин тизмеси жана статус алуу тартиби менен платформанын расмий сайтынан таанышууга болот: Кеңеш алуу жана суроолор боюнча байланыш телефону: +996 (312) 66-39-64.
