Балыкчы шаарына 10 жаңы автобус тапшырылды
Балыкчы шаарына 10 автобус тапшырылды, жакынкы күндөрү дагы 10 атайын техника келет. Бул тууралуу президенттин Иш башкармалыгынан билдиришти.
Автобустун ачкычын Иш башкармалыктын башчысы Каныбек Туманбаев тапшырды. 24 орундуу автобустар Кытайдан алып келинген. Жакынкы күндөрү шаарга кошумча дагы 10 даана атайын техника алып келүү пландалууда.
Ошондой эле, Туманбаев Балыкчы шаарында курулуп жаткан ипотекалык турак жай комплексинин жана шаардагы инфраструктуралык объектилердин абалы менен таанышты. Учурда көп кабаттуу үйлөрдүн каркасы 3-кабатка чейин көтөрүлүп, жаңы конуштарда таза суу жана электр энергиясы менен камсыздоо иштери этап-этабы менен жүргүзүлүүдө.
Мындан тышкары, иш сапардын жүрүшүндө шаардагы инфраструктуралык объектилердин абалын көрдү. Атап айтканда, мурда инженердик коммуникациялар менен камсыз болбогон жаңы конуштарда ичүүчү таза суу тартуу жана электр энергиясы менен камсыздоо боюнча иштер жүргүзүлүп жатканы белгиленди.
