Коом

1,5 млндон ашык адам "Салык төлөөчүнүн кабинети" сервисин колдонууда

Ишкер Media

18 дек. 2025 16:24

2025-жылы Мамлекеттик салык кызматы салыктык кызматтарды санариптештирүү багытында ири долбоорлорду ишке ашырды. Анын жыйынтыгында “Салык төлөөчүнүн кабинети” сервисин колдонгондордун саны 1,52 миллионго жетти. Жыл башынан бери бул көрсөткүч 180,4 миңге өстү. Бул тууралуу Салык кызматынан билдиришти.

Маалыматка ылайык, Salyk.kg мобилдик тиркемесин учурда 77,6 миң салык төлөөчү пайдаланууда. Бир жыл ичинде “Салык төлөөчүнүн кабинетинде” 15 жаңы онлайн-сервис ишке киргизилип, бир катар кызматтар жакшыртылды.

Салыктык отчётторду автоматтык түрдө түзүү, маалымкаттарды онлайн алуу, мүлк салыгын эсептөө жана чегерүү, төлөнө турган салык суммасын автоматтык аныктоо мүмкүнчүлүктөрү кеңейтилди. Ошондой эле ЕАЭБ алкагында билдирмелерди онлайн тапшыруу, жеке ишкерлерди жана жеке жактарды каттоо, арыздарды электрондук түрдө берүү кызматтары жеткиликтүү болду.

Мындан тышкары, бардык салыктарды жана камсыздандыруу төгүмдөрүн QR-код же төлөм коду аркылуу төлөө тартиби киргизилди. Кассалык аппараттардын маалыматтарын онлайн өткөрүү боюнча пилоттук долбоор, салыктык карыздар тууралуу СМС-билдирүүлөр жана “Пикирлер” кайтарым байланыш платформасы да ишке ашырылды.

Мамлекеттик салык кызматы санариптик сервистерди өнүктүрүүнү улантып, салык төлөөчүлөр үчүн кызматтарды дагы да жөнөкөйлөтүүнү көздөйт.

Мындан тышкары окуңуз

Мамлекет башчы Араванда эл менен жолугушуп, алардын суроолоруна жооп берди

Президент Садыр Жапаров бүгүн Ош облусунун Араван районунда жергиликтүү актив жана тургундар менен жолугушуу өткөрдү. Иш-чара ачык суроо-жооп форматында өтүп, анда аймактагы негизги көйгөйлөр көтөрүлдү. Жолугушууда тургундар мектеп жана бала бакча куруу, билим берүү мекемелерин кеңейтүү, жер тилкелерин берүү, ирригация системасын жакшыртуу, газдаштыруу, медициналык тейлөө жана жол инфраструктурасы боюнча маселелерди

Садыр Жапаров Араван районунун өнүгүү долбоорлору менен таанышты

Президент Садыр Жапаров 11-апрелде Ош облусуна болгон иш сапарынын алкагында Араван районуна барып, аймакты өнүктүрүү боюнча пландар менен таанышты. Бул тууралуу Президенттин басма сөз кызматынан кабарлашты. Араван районунун акими Данияр Эркимбаев мамлекет башчысына акыркы жылдары аткарылган иштер жана келечектеги долбоорлор тууралуу маалымат берди. Анын айтымында, 2021–2025-жылдары жол тармагына 954

Бишкекте коомдук тартипти камсыздоо күчөтүлдү

Бишкек шаарынын ИИББгы дем алыш күндөрү жарандардын коомдук тартибин жана коопсуздугун камсыздоо күчөтүлдү. Бул тууралуу Бишкек шаарынын ИИББнан кабарлашты. билдирүүгө караганда, өзгөчө көңүл укук бузуулардын алдын алууга, жарандардын кайрылууларына ыкчам жооп кайтарууга, ошондой эле кыраакылыкты жогорулатууга бурулмакчы. Ага ылайык, сейил бактарда жана адамдар көп чогулган жайларда кызмат өтөөгө өзгөчө көңүл

Улуттук банк менен ИИМ алдамчылыкка каршы күрөшүү боюнча жолугушуу өткөрдү

Кыргыз Республикасынын Улуттук банкы ИИМдин Кылмыш иликтөө башкы башкармалыгы менен биргеликте 10-апрелде финансылык алдамчылыкка каршы күрөшүү маселелери боюнча блогерлер жана ЖМК өкүлдөрү менен жолугушуу өткөрдү. Иш-чаранын жүрүшүндө мобилдик байланыш жана интернет аркылуу жасалган алдамчылык схемалары тууралуу кеңири маалымат берилди. Айрыкча “дропперлик” — жарандардын банктык карталарын жана жеке маалыматтарын үчүнчү жактарга берүү