Ысык-Көлдө 66 жаңы кайра иштетүүчү ишкана жана 6 соода-логистикалык борбор ачылат
Суу ресурстары, айыл чарба жана кайра иштетүү өнөр жайы министрлиги 2030-жылга чейин айыл чарба продукциясын кайра иштетүү деңгээлин 25%га жеткирүүнү максат кылып, өлкө боюнча жалпы 385 ишкана ачуу боюнча иш жүргүзүп жатат.
Ысык-Көл облусунда 6 соода-логистикалык борбор жана 66 кайра иштетүүчү ишкана пландалган. Ишканалар аймактын климаттык жана географиялык өзгөчөлүгүнө ылайык иштейт, продукцияны сактоого, жоготууларды азайтууга жана кайра иштетүү көлөмүн көбөйтүүгө багытталат. Алар буудай, жашылча-жемиштер, сүт, эт, жүн, май жана тоютту кайра иштетет.
Район жана шаарлар боюнча:
- Ысык-Көл району – 1 СЛБ, 20 ишкана
- Ак-Суу району – 1 СЛБ, 6 ишкана
- Жети-Өгүз району – 2 СЛБ, 15 ишкана
- Тоң району – 1 СЛБ, 6 ишкана
- Түп району – 8 ишкана
- Балыкчы шаары – 1 СЛБ, 3 ишкана
- Каракол шаары – 8 ишкана
Бул демилге аймактарда жумуш орундарын түзүп, агроөнөр жайдын өнүгүүсүнө шарт түзөт. Министрлик ишкерлерди жана инвесторлорду кызматташууга чакырат.
Суроолор боюнча: 0708 320 820, 0990 559 083.
