Караколдогу Яндекс Goдо «Комфорт» тарифи пайда болду
Эми Каракол шаарынын тургундары «Комфорт» тарифи менен жол жүрүүгө буйрутма бере алышат. Бул тарифти тандаганда жогорку класстагы унаалар — мисалы, Hyundai Sonata, Weltmeister EX5, Kia K5, Toyota Camry жана башка автоунаалар келишет.
«Комфорт» тарифиндеги айдоочулар кошумча тестирлөөдөн өтүшөт. Аны менен жол жүрүүнүн баасы 36 сомдон башталат. Мисалы, Каракол автобекетинен (Пржевальский көч. 149) Каракол шаарынын мэриясына чейин (Тыныстанов көч. 21) жол жүрүү болжол менен 73 сомду* түзөт. Караколдо ошондой эле базалык тариф «Эконом» да жеткиликтүү - ал тез жана арзан жетүүнү каалагандар үчүн ылайыктуу.
Жолдо жүрүүнүн бардык учурларында заманбап коопсуздук технологиялары колдонулат, мисалы, ылдамдык жана айдоо стилине автоматтык турдө талдоо жүргүзүлөт. Эгер ылдамдык режими жогорулаганын же кооптуу маневрларды байкаса, система айдоочуга эскертүү берип, ушуну менен кырсыкты алдын алууга жардамдашат. Ошондой эле, система кескин тормозду тебүү жана кагылышуу болгонун да аныктайт. Мындай учурда операторлор абалды тактоо үчүн жүргүнчү жана айдоочу менен байланышат.
Тиркемеде колдонуучулар үчүн «Коопсуздук» бөлүмү жеткиликтүү, ал аркылуу шашылыш кызматтарга кайрылууга, колдоо кызматына жазууга же маршрутту жакындары менен бөлүшүүгө болот. Бардык сапарларда айдоочулардын жана жүргүнчүлөрдүн өмүрү менен саламаттыгы 800 000 сомго чейин камсыздандырылган.
Сервисти колдоно башташ үчүн, болгону App Store же Google Play аркылуу акысыз Яндекс Go тиркемесин жүктөп алуу керек.
