Коом

11 айда суу пайдалануудан түшкөн каражат 263 млн сомду түздү

Ишкер Media

22 дек. 2025 11:10

Суу ресурстары, айыл чарба жана кайра иштетүү өнөр жайы министрлиги ушул жылдын январь-ноябрь айларындагы ирригация жана таза суу тармагындагы негизги жетишкендиктерди жарыялады. Өлкөдө суу пайдалануу натыйжалуулугу жана дыйкандарга жеткирилген ресурстар көбөйдү.

Министрликтин маалыматына ылайык, акыркы 11 айда өлкө боюнча 5,6 млрд куб метр суу алынган. Сугат суу 404 юридикалык жакка жана 77 миңден ашуун дыйканга жеткирилип, 2,8 млн гектардан ашык жер сугарылды.

Өлкөдө 10 суу сактагыч толук пайдаланууга берилди, ондогон объектилерде курулуш жана долбоорлоо иштери уланууда. 550 км канал оңдолуп, жүздөгөн гидротехникалык курулмалар жана насостук станциялар жаңыланды. Жаңы 729 га жер өздөштүрүлүп, 22 миң гектардан ашык сугат жердин суу камсыздоосу жакшырды.

Сууну үнөмдөө максатында тамчылатып жана жамгырлатып сугаруу системалары 17,7 миң гектарга орнотулду. Чүй облусунда бул ыкма кеңири колдонулуп, Ысык-Көл облусу пилоттук аймак катары тандалды.

Тарифтерди киргизүү менен суу пайдалануудан түшкөн каражат 2,5 эсеге көбөйүп, 263 млн сомду түздү. Бул каражаттар кайра эле ирригация объекттерин жакшыртууга багытталат. Кургакчылыкка карабастан, быйылкы сугат сезонунда дыйкандардан олуттуу нааразычылыктар болгон эмес.

Таза суу боюнча өлкөдө 796 айыл таза суу менен камсыз болду, 600дөн ашык айылда курулуш жана даярдык иштери уланууда. Мындан тышкары, тармакта санариптештирүү активдүү жүрүп, суу эсептөө датчиктери орнотулууда, онлайн төлөмдөр жана ирригациялык карталар иштелип чыкты.

Мындан тышкары окуңуз

Экономика министрлиги европалык импорттун кескин өзгөрүшү тууралуу маалыматты жокко чыгарды

Кыргызстандын тышкы соодасы 2019–2024‑жылдар аралыгында бир катар өлкөлөр менен товар жүгүртүүнүн өсүшүн көрсөткөнүн тууралуу Экономика министрлиги билдирет. Маалыматка ылайык, көрсөткүчтөр мындайча өзгөргөн: * Эстония менен – 300 % (1,5 млн  доллардан 4,5 млн  долларга чейин); * Польша менен – 131,53 % (26 млн  доллардан 60,2 млн  долларга чейин); * Германия менен

Тажикстан, Кыргызстан пахтаны кайра иштетүүнү өнүктүрүүнү макулдашты

МинКаб төрагасынын орун басары – суу ресурстары, айыл чарба жана кайра иштетүү өнөр жайы министри Бакыт Төрөбаев Тажикстандын айыл чарба министри Курбон Хакимзода менен жумушчу жолугушуу өткөрдү. Сүйлөшүүлөрдүн жүрүшүндө тараптар агрардык тармактагы эки тараптуу кызматташуунун артыкчылыктуу багыттарын талкуулашты. Өзгөчө көңүл асыл тукум букаларды жана асыл тукум топоздорду алмашуу аркылуу малдын генетикалык

Электр кубаттоочу станцияларга жер 1 жылдан 3 жылга чейин берилет

Бишкек шаарынын мэриясынын муниципалдык жерлер рыногу бөлүмүнүн башкы адиси Талантбек Исмаилов радио эфиринде электр кубаттоочу станцияларды орнотуу үчүн жер тилкелерин берүү тартиби жана учурдагы абал тууралуу маалымат берди. Анын айтымында, жер тилкелерин пайдалануу боюнча келишимдер көбүнчө бир жылдык мөөнөткө түзүлөт жана кийин үч жылга чейин узартылышы мүмкүн. Адистин түшүндүрүүсүндө, комиссия

ӨКМ суучулдарынын, токойчулардын, "Кыргызгидромет" кызматкерлеринин маянасы жогорулады

Президенттин тапшырмасы боюнча Өзгөчө кырдаалдар министрлигинин суучулдарынын айлык акысы көтөрүлгөнүн Бишкекте маалымат жыйында министрликтин орун басары Азамат Мамбетoв билдирди. Суучулдарга 20 000 сом өлчөмүндө кошумча акы белгиленди. Мурда алар болжол менен 30 000 сом алышса, эми айлык акысы 50–60 000 сом болот. Мамбетoвдун айтымында, бул чек эмес — күзгө чейин