Ош шаарында 480 орундуу мектеп курулуп жатат
Ош шаарынын Кең-Сай конушунда 100 орундуу бала бакча жана 480 орундуу мектептин курулушу активдүү жүрүп жатат. Бул тууралуу Ош шаарынын мэриясынан билдиришти.
Маалыматка ылайык, жаңы билим берүү мекемелери жергиликтүү балдардын билим алуусуна жана социалдык өнүгүүсүнө шарт түзүү максатында курулууда.
Кең-Сай конушу акыркы жылдары активдүү өсүп, жеке турак жайлар көбөйдү, жаш үй-бүлөлөр жана мектепке чейинки жана мектеп курагындагы балдардын саны өстү. Ошол себептүү бала бакча жана мектеп сыяктуу социалдык инфраструктураны камсыздоо жергиликтүү тургундар үчүн өзгөчө актуалдуу маселе болуп келди.
