Кыргызстан рыногунда 100гө жакын үстөмдүк кылуучу компания бар
Депутат Эльвира Сурабалдиева 2026-жылдын 11-мартында Жогорку Кеңештин пленардык жыйынында Кыргызстан рыногунда канча монополист компания бар экенин сурады.
Монополияга каршы жөнгө салуу кызматынын жетекчиси Айбек Мамыралиев өлкөдө болжол менен 100гө жакын үстөмдүк кылган компания бар экенин билдирди.
Айбек Мамыралиевдин айтымында, мындай компаниялар товарлардын баасын жогорулата башташса адегенде компанияга эскертүү берилет, андан кийин алдын ала эскертүү жасалат, андан соң расмий эскертүү берилет. Ошондон кийин гана жоопкерчиликке тартуу чаралары колдонулат.
"Эгер мыйзам бузган компания өз күнөөсүн моюнга алса, анда жаза аныкталганда айрым жеңилдиктер берилет", — деди ал.
