Коом

2025-жылы ветеринардык иш-чаралардын планы 104% аткарылды

Ишкер Media

12 янв. 2026 10:15

КРдагы ветеринардык эмдөө, диогностикалык изилдөөлөр жана мите курттардан арылуу ишчаралары 2025-жылдагы планы 104% аткарылды. Мындай маалыматты КРнын суу ресурстары, айыл чаба жана кайра иштетүү өнөр жайы министрлигинин ветеринария, мал чарбасын өнүктүрүү жайыт жана тоют кызматынын директорунун орун басары Бакыт Шарапов бүгүн “Биринчи радиого” берген маегинде билдирди.

Адистин айтымында 2025-жылдын жыйынтыгы боюнча республикабызды 25 миллинон 546 миң малдын башына ветеринардык ишчаралар жүргүзүлдү. Анын ичинде ветеринардык эмдөө, диагностикалык изилдөөлөр жана мите курттардан арылуу ишчаралары болгон.

“2025-жылга коюлган жалпы план 104%га аткарылды. Бирдык малдар толук дарыланып, изиденди десем жаңылышпайм. Бул ишчараларга карата атайын мамлекет тарабынан биокаражаттар бөлүнүп турат. Тагыраагы 9 ооруга каршы каражат бөлүнөт: шарп, сибир жарасы, кутурма, койлордун күл ылаңы, койлордун кыргыны, бруцеллез ооруларына вакцина сатылып берилет. Мындан сырткары туберкулез жана жылкылардын маңка оорусуна диагнозтикумдар алынып жана иттерге эхинкакокко карата таблеткалар алынып берилет.” – дейт Бакыт Шарапов.

Айыл чаба министрлигинин өкүлүнүн айтымында, мурда бул ылаңдарга карата мамлекет тарабынан каражат жетишсиз бөлүнүп берилчи же жазында сатып алып берип, жайлоого чыкканда дарылоо кыйынчылык туудуруп келген.

Анын үстүнө буга чейин 86-87 млн сом бөлүнүп, тартыштык жаратып келсе, өткөн жылы 200 млн сомдон ашуун каражат бөлүнүп, ветеринардык ишчараларга толугу менен биокаражаттар алынды жана аймактарга жеткирилип бериле баштады. Эми февралдан баштап түштүктө, мартта түндүк региондордо ветериандык ишчаралар жүргүзүлүп баштайт.

Мындан тышкары окуңуз

Өзбекстандын алтын-валюта резерви 66,31 млрд долларга жетти

Өзбекстандын алтын-валюта резервдери 2026-жылдын 1-январына карата 66,31 миллиард долларга жеткенин Борбордук банкы билдирди. Маалыматка ылайык, 2025-жылдын декабрь айында резервдер $5,07 миллиардды түздү же 8,3%га көбөйгөн. Ал эми жыл жыйынтыгында жалпы өсүш 61%ды түзгөн. Резервдердин түзүмүндө алтын негизги орунду ээлеп келет. Алтын корунун (запастарынын) наркы 6-ай

МАГАТЭ Борбор Азияны уран калдыктарынан тазалоо планын бекитти

Атом энергиясы боюнча эл аралык агенттик (МАГАТЭ) Борбор Азия өлкөлөрүндө уран калдыктарын рекультивациялоо боюнча 2030-жылга чейинки жаңы стратегиялык планды бекитти. Стратегиялык документ Кыргызстанды, Тажикстанды жана Өзбекстанды камтыйт жана эл аралык каржы институттары жана тиешелүү адистешкен уюмдар менен кызматташууну карайт. План совет мезгилинде уран казуудан жабыркаган аймактарды этап-этабы менен тазалоого жана

Бишкекте 2025-жылы 87 километр алюминий электр линиялары алмаштырылган

Бишкек электр тармактар ишканасы (БЭТИ) 2025-жылдын жыйынтыгы боюнча борбор калаадагы 11 турак жай массивинде эскирген алюминий зымдарынын 87 чакырымдан ашыгын заманбап өзүн көтөргөн изоляцияланган зымдарга (СИП-2) алмаштырды. Инфраструктураны жаңылоо иштери электр энергиясы менен камсыздоо тутумунун ишенимдүүлүгүн жогорулатууга багытталган Энергетика министрлигинин реформасынын алкагында жүргүзүлдү. Жаңы электр линиялары "Тынчтык", "

Бишкекте Ч.Айтматов проспектинин түштүк бөлүгү ачылды

Бишкектеги Чынгыз Айтматов атындагы проспектинин түштүк тарабы унаа кыймылы үчүн ачылды. Бул тууралуу мэриядан билдиришти. Маалыматка ылайык, А.Масалиев (Түштүк магистраль) көчөсүнөн Семетей көчөсүнө чейинки участок жер алдындагы өтмөктөрдү куруу иштерине байланыштуу жабылган. Курулуш иштери 1-январда башталып, 12-январда аяктады. Муниципалитет аймакта төрт өтмөк жана аялдамалар куруларын белгиледи.