Эми "Менин шаарым" тиркемесинен суу качан өчүрүлөрүн биле аласыз
"Санариптик технологиялар борбору" муниципалдык ишканасы "Менин шаарым" мобилдик тиркемесинин жаңыртылган версиясы ишке киргизилгенин маалымдайт. Бул тууралуу Бишкек мэриясынан билдиришти.
Жаңыртылган версияга суу менен камсыздоонун пландуу жана авариялык өчүрүүлөрү тууралуу тургундарды ыкчам кабардар кылуучу функция кошулду. Билдирүүлөр колдонуучуларга түздөн-түз ыңгайлуу санарип форматта жөнөтүлөт.
Жекелештирилген билдирүүлөрдү алуу үчүн тиркемени акыркы версиясына чейин жаңыртып, жеке кабинетте өздүк эсепти сактоо зарыл. Бул сервистин туура иштешин жана тиркеменин бардык мүмкүнчүлүктөрүнө жеткиликтүүлүктү камсыздайт.
"Менин шаарым" мобилдик тиркемеси расмий мобилдик тиркемелер дүкөндөрүндө жаңыртуу үчүн жеткиликтүү.
