Медициналык инфраструктура: Кыргызстан Кытай менен кызматташтыкка кол койду
Бишкекте Өзгөчө кырдаалдар министри Б. Ажикеев, Финансы министринин биринчи орун басары Р. Суйналиев жана кытайлык “Sinoped International Co., Ltd” корпорациясынын жетекчилиги үч тараптуу жолугушуу өткөрдү. Бул тууралуу Финансы министрлигинен билдиришти.
Жыйынтыгында Кыргызстандагы лабораториялык жана медициналык инфраструктураны жаңылоого багытталган Меморандумга кол коюлду.
Талкуулардын негизги багыттары: заманбап жабдууларды киргизүү жана адистерди даярдоону өркүндөтүү. 40 заводду бириктирген кытай корпорациясы өлкөнү жогорку технологиялуу медициналык жабдуулар менен камсыздоого даяр экенин билдирди.
Министрлик "МедВетСити+" ААКсынын негиздөөчүсү катары институттук жана каржылык колдоо көрсөтөт, бул лабораториялык инфраструктураны тез жаңылоого мүмкүндүк берет.
