Коом

Өткөн жылы Кыргызстандан 2 031 чет өлкөлүк жаран депортацияланган

Ишкер Media

23 янв. 2026 11:35

Өткөн жылы Кыргызстандан миграциялык мыйзамдарды бузган 2 031 чет өлкөлүк жаран депортацияланган. Бул тууралуу Чек ара кызматынан билдиришти.

Маалыматка ылайык, мамлекеттик чек арада жана өлкө аймагында миграциялык жана чек аралык мыйзамдардын сакталышын көзөмөлдөө учурунда документтери талапка жооп бербеген 28 миң 593 адам аныкталган.

Алардын ичинен 28 миң адамга Кыргыз Республикасынын мамлекеттик чек арасынан өтүүгө уруксат берилген эмес. Ошондой эле өлкөдө болуу эрежелерин бузган 2 031 чет өлкөлүк жаранга карата депортациялоо чарасы көрүлгөн.

Чек ара кызматы мамлекеттик чек араны ишенимдүү коргоо менен бирге, чет өлкөлүк жарандардын мыйзамдуу кирүүсү үчүн ачык жана ыңгайлуу шарттарды камсыз кылуу иштерин улантууда, - деп айтылат маалыматта.

Мындан тышкары окуңуз

АКШ Дүйнөлүк саламаттык сактоо уюмунан чыкты, бирок карызын төлөгөн жок — Bloomberg

АКШ Дүйнөлүк саламаттык сактоо уюмунан чыкты, бирок карызын төлөгөн жок — Bloomberg

АКШ Дүйнөлүк саламаттык сактоо уюмунан (ДСУ, ВОЗ) расмий түрдө чыкканын Bloomberg агенттиги жазды. Ошол эле учурда АКШ уюм алдындагы карызын төлөгөн эмес. Маалыматка ылайык, 2025-жылдын январь айына карата АКШнын ДСУ алдындагы карызы 260 млн долларды түзгөн. ДСУдан чыгуу тууралуу буйрукка АКШнын президенти Дональд Трамп дээрлик бир жыл мурун кол койгон.

Кыргыз-өзбек агро өнөржай кызматташуусу чыңдалат

Кыргыз-өзбек агро өнөржай кызматташуусу чыңдалат

2026-жылдын 23-январында Суу ресурстары, айыл чарба жана кайра иштетүү өнөр жайы министрлигинде Өзбекстан–Кыргыз өнүктүрүү фондунун өкүлдөрү менен жолугушуу болуп өттү. Жолугушууга министрликтин атынан министрдин орун басары Б. Бекболотов, ошондой эле долбоорлорду ишке ашыруу жана мамлекеттик-жеке өнөктөштүк (МЖӨ) секторунун башчысы И. Анарбеков катышты. Ал эми Фонддун атынан Фонддун төрагасы Азиз

Үч эмдүү үй-бүлөгө эки бөлмөлүү батир берилди

Үч эмдүү үй-бүлөгө эки бөлмөлүү батир берилди

Таластагы үч эм төрөлгөн үй-бүлөгө Бишкек шаарынын борборунан эки бөлмөлүү батирдинберилгенин УКМКнын басма сөз кызматы билдирди. Буга чейин ЖМКлар Рыскул Сыргабаев менен Медина Калиеванын кайрылуусун жарыялаган. Анда жаш жубайлар турак жай жана документ маселесин чечүүгө көмөк көрсөтүүнү суранышкан. 2024-жылдын ноябрь айынан бери алар борбор калаада ижарага алынган батирде жашап келишкен.

Конвекторлор менен иштеген мектептерди жылытуу маселеси көтөрүлдү

Конвекторлор менен иштеген мектептерди жылытуу маселеси көтөрүлдү

Бишкек шаарынын мэриясынын Билим берүү башкармалыгынын башчысы Рахат Мусаева Шаардык кеңештин социалдык маселелер боюнча туруктуу комиссиянын жыйынында учурда борбор калаада 119 мектеп жана 120 бала бакча бар экенин билдирди. Алардын ичинен: * 130 билим берүү мекемеси борборлоштурулган жылуулукка, * 54 мекеме газ менен, * 46 мекеме электр казандары (электрокотельная) аркылуу, * 15 мекеме көмүр