2025-жылы Жалал-Абаддан 3,8 млн кг жаңгак экспорттолгон
2025-жылдын январь–сентябрь айларында Жалал-Абад облусунан 3,8 млн килограмм жаңгак экспорттолгон.
Президенттин облустагы өкүлчүлүгүнүн маалыматына ылайык, Жалал-Абад облусунда 35 миң гектардан ашуун жаңгак токой аянты бар. Алар негизинен Сузак, Базар-Коргон жана Аксы райондорунда жайгашкан.
Белгиленгендей, 2024-жылдын жыйынтыгы боюнча облус аймагынан жаңгак жана жаңгак маңызынын экспорту 1 млрд 347 млн сомдон ашкан.
Талкуунун жүрүшүндө облус башчысы Тилек Текебаев жаңгак аянттарын сактоо жана кеңейтүү, ошондой эле продукцияны кайра иштетүүнү өнүктүрүү зарылдыгын белгиледи. Анын айтымында, илимий адистерди тартуу кластердин туруктуулугун жана экономикалык натыйжалуулугун жогорулатат.
Жыйындын негизги максаты — облус аймагындагы 2000ден ашуун фермерге пайда алып келе турган, экономикалык жактан негизделген жана туруктуу жаңгак-жемиш кластерин түзүү үчүн сапаттуу техникалык-экономикалык негиздемени иштеп чыгуу.
