Былтыр пенсиялык фонддун каражаттары 6,7 млрд сом киреше алып келген
Социалдык фонд 2025-жылдын январь–декабрь айларында Мамлекеттик топтомо пенсиялык фондунун (МТПФ) каражаттарын активдүү инвестициялап, олуттуу кирешелерге жетишти. Бул тууралуу Социалдык фонддон билдиришти.
Маалыматка ылайык, отчеттук мезгилде МТПФнын каражаттарынан 22 797,6 млн сом инвестицияланды. Анын ичинде:
11 885,4 млн сом мамлекеттик баалуу кагаздарга жайгаштырылып, жылдык кирешелүүлүк 12,86–16,0%түздү;
5 925,0 млн сом коммерциялык банктардын 12 жана 18 айлык депозиттерине салынды, кирешелүүлүгү 12,1–16,5% болду;
4 987,2 млн сом Кыргыз Республикасынын эмитенттеринин акцияларына инвестицияланды.
Ошондой эле мурда инвестицияланган каражаттардан төмөнкү кирешелер алынган:
- мамлекеттик баалуу кагаздар боюнча — 5 755,8 млн сом;
- депозиттер боюнча пайыздык киреше — 940,5 млн сом;
- эсептердеги акча каражаттарынын калдыктарынан — 37,5 млн сом;
- башка кирешелер — 0,4 млн сом.
Жыйынтыгында, 2025-жылдын январь–декабрь айларында МТПФнын каражаттарын инвестициялоодон жалпы 6 734,2 млн сом киреше алынган.
