Быйыл агроөнөр жай комплексине 40 млрд сомдон ашык каражат бөлүндү
2026-жылга агроөнөр жай комплексин өнүктүрүү үчүн 40 миллиард сомдон ашык каражат каралган. Бул тууралуу суу ресурстары, айыл чарба жана кайра иштетүү өнөр жайы министри Бакыт Төрөбаев Жогорку Кеңештин жыйынында билдирди.
Министрдин айтымында, каражаттар жазгы талаа иштерин өз убагында жана сапаттуу жүргүзүү, фермерлерди колдоо максатында министрлер кабинети тарабынан ишке ашырылып жаткан мамлекеттик долбоорлор жана инвестициялык программаларга багытталган.
"2026-жылга республикалык бюджеттен 6 млрд сом, атайын эсептен 1,5 млрд сом, мамлекеттик инвестициялык долбоорлордон 11 млрд сом, капиталдык салымдардан 14,3 млрд сом, ошондой эле 7 мамлекеттик колдоо долбоорлорунан 9,3 млрд сом каралган", — деди Бакыт Төрөбаев.
