Коом

Импорттолуп келген көчөттөргө фитосанитардык көзөмөл күчөтүлдү

Ишкер Media

11 февр. 2026 12:06

Өсүмдүктөрдү химиялаштыруу, коргоо жана карантини департаментинин Ош башкармалыгы Ош облусуна импорттолуп кирген көчөт материалдарына карантиндик фитосанитардык көзөмөл жүргүзүүдө. Бул тууралуу Айыл чарба министрлигинен билдиришти.

Көзөмөл эки баскычта жүргүзүлөт: биринчи этапта жүк Кыргыз–Өзбек мамлекеттик чек арасында жайгашкан "Достук" карантиндик фитосанитардык контролдоо посту аркылуу киргизилип, бардык коштоочу документтер — фитосанитардык сертификат, уруксат кагаздары жана товардык-транспорттук документтер текшерилет. Экинчи этапта жүк "Мега Логистик" бажы тариздөө пунктунда кайрадан көзөмөлдөнүп, лабораториялык изилдөө үчүн үлгүлөр алынат жана Ош карантиндик фитосанитардык лабораториясына жөнөтүлөт.

Лабораториялык экспертизанын жыйынтыгы таза чыкса гана көчөт материалдарын өлкө аймагына киргизүүгө тиешелүү фитосанитардык документ берилет. Ошондой эле көчөттөргө кошумча зыянсыздандыруу иш-чаралары жүргүзүлөт.

Импорттоодо төмөнкү талаптар милдеттүү: атайын уруксат кагазы, экспорттоочу өлкөнүн фитосанитардык сертификаты, көчөт материалдарынын тазалыгын ырастаган документтер, инвойс жана товардык-транспорттук документтер.

Ош башкармалыгы фитосанитардык талаптарды так сактоо өлкөнүн айыл чарбасын коргоо жана карантиндик зыяндуу организмдердин кирүүсүнө жол бербөө үчүн негизги шарт экенин эскертет.

Мындан тышкары окуңуз

Ак-Буура дарыясынан дээрлик 317 миң куб метр таштанды чыгарылды

Президенти Садыр Жапаровдун тапшырмасы менен Ош шаарындагы Ак-Буура дарыясында ири тазалоо иштери уланууда. Бул тууралуу Өзгөчө кырдаалдар министрлигинен билдиришти. Маалыматка ылайык, бүгүнкү күнгө карата дарыянын нугунан жалпысынан 316 985 куб метр таштанды чыгарылды. Тазалоо иштерине Өзгөчө кырдаалдар министрлиги тарабынан бардык зарыл күч-каражаттар жана атайын техникалар толук көлөмдө тартылган. Иш-чаралар дарыянын

Ош шаарында 2,16 млрд сомдук каржылык мыйзам бузуулар аныкталды

Кыргызстандын Эсеп палатасы 2024-жылдын 1-январынан 31-декабрына чейинки мезгилде Ош шаарынын бюджетин түзүү жана аткаруу, ошондой эле муниципалдык ишканалардын ишмердүүлүгү боюнча аудит жүргүздү. Текшерүү төмөнкү мекемелерди камтыды: * Ош шаарынын мэриясы * Ош шаардык кеңеши * Каржы министрлигинин Ош шаардык финансы башкармалыгы * аларга караштуу бюджеттик жана чарбалык мекемелер Аудиттин жыйынтыгында жалпы 2 млрд 168,

Кыргызстанда жаныбарларды багуу жана көбөйтүү боюнча жаңы эрежелер бекитилди

Министрлер Кабинети Кыргыз Республикасында жаныбарлар дүйнөсүнүн объекттерин багуу, көбөйтүү жана коргоо маселелери боюнча токтом кабыл алды. Тиешелүү документке Министрлер Кабинетинин Төрагасы Адылбек Касымалиев кол койду. Токтомдун максаты — жаныбарларды капаста, жарым-жартылай капас шартында жана жасалма чөйрөдө багуу жана көбөйтүү тармагындагы мамилелерди тартипке келтирүү, ошондой эле мыйзамдардагы шайкеш эместиктерди жоюу. Ага ылайык,

"Манас" социалдык айылында өз алдынча иштеп, үй-бүлө кургандар бар

Акыйкатчынын орун басары Айчүрөк Назаралиева Чүйдүн Мураке айылындагы майыптыгы бар жарандар үчүн адистештирилген “Манас” социалдык айылынын ишмердүүлүгү менен таанышты. 2004-жылы негизделген бул коомдук бирикме майыптыгы бар адамдарды обочолонтпой, аларды эмгекке жана чыгармачылыкка аралаштырууну көздөйт. Учурда мында 17ден 40 жашка чейинки 24 тургун жашайт. Алардын көбү мурда мамлекеттик стационардык мекемелерде тарбиялангандар.