Ош шаарында 280 орундуу заманбап балдар бакчасы ачылды
Бүгүн Ош шаарында 280 орундуу заманбап балдар бакчасынын салтанаттуу ачылышы болуп өттү. Ачылыш аземге Ош шаарынын мэри Жеңишбек Токторбаев, Ош шаардык кеңешинин төрагасы Болотбек Баетов жана жергиликтүү тургундар катышты.
Муниципалитеттен билдиришкендей, жаңы мектепке чейинки билим берүү мекемеси шаар тургундары үчүн чоң белек болуп, жүздөгөн бөбөктөргө сапаттуу тарбия жана билим алууга шарт түздү.
Балдар бакчасы бардык заманбап талаптарга жооп берген шарттар менен камсыздалып, кенен жана жарык тайпалар, коопсуз оюн аянтчалары, ыңгайлуу инфраструктура каралган.
Белгилей кетсек, аталган бала бакча 1998-жылы мыйзам талаптарын бузуу менен жеке менчикке өтүп кеткендиги аныкталган. Шаар башчысынын тапшырмасына ылайык №70 Көкүм-Бий балдар бакчасынын фасады сырдалып, ички бөлүгү толук жасалгаланып, балдар ойноочу аянтчалар курулган.
Ош шаарында социалдык инфраструктураны өнүктүрүү багытындагы иштер мындан ары да улантылат.
