Бишкек мэриясы 9 кабаттуу жаңы имараттуу болот
Бишкек мэриясынын жаңы имараты тогуз кабаттуу болот. Бул тууралуу шаардык кеңештин муниципалдык менчик, жер маселелери, шаар курулушу жана архитектура боюнча комиссиясынын жыйынында жарыялаган.
Бишкек шаардык мэриясынын Капиталдык курулуш башкармалыгынын билдирүүсүнө караганда, жаңы имарат азыркы шаар башкармалыгынын артында, Киев көчөсү 155/1 дарегинде орун алат. Буга чейин бул жерде мэриянын жабык унаа токтотуучу жайы жана сейил багы бар болчу.
Жаңы имараттын пайдубалы жер деңгээлинен төмөн карай эки кабаттуу унаа токтотуучу жайга ээ болуп, ал 80 унаага ылайыкташмакчы.
Ал эми аталган курулуштун иш аткаруучу подрядчысы - “Бай Таш Строй” ЖЧК экендиги белгилүү болду.
