Бишкек шаарында күч өлчөгүчтөр алынууда
Бишкек шаарынын мэринин тапшырмасынын алкагында Жер пайдаланууну контролдоо башкармалыгы шаар аймагына орнотулган күч өлчөгүчтөрдү демонтаждоо боюнча рейд жүргүзүүдө. Бул тууралуу муниципалитеттен билдиришти.
Маалыматка ылайык, рейддин жүрүшүндө Ленин районунун аймагында талаптарды бузуу менен орнотулган 17 күч өлчөгүч демонтаждалды.
Эскерте кетсек, шаар аймагында кандай болбосун объектти орнотуу үчүн белгиленген тартипте тиешелүү уруксат алуу милдеттүү.
Бул иш-чаралар жер пайдалануу тармагында тартипти камсыз кылуу жана шаар аймагын көрктөндүрүү максатында жүргүзүлүүдө. Ушундай эле рейддер жана демонтаж иштери башка райондордо да улантылат, - деп айтылат маалыматта.
